Запрашаем пачытаць творы беларускіх пісьменнікаў, што складаюць залаты фонд беларускай літаратуры.
1. Іван Шамякін "Злая зорка"
Раман «Злая зорка» пра чарнобыльскую катастрофу У цэнтры вобраз старшыні райвыканкома Уладзміра Пыльчанкі на плечы якога кладзецца цяжар ліквідацыі вынікаў аварыі, лёс ягонай сям'і. Малодшы сын Глеб - інжынер атамнай станцыі, старэйшы Барыс - афіцэр лётчык, у гэты час другі раз пасылаецца ў Афганістан і гіне. Не вытрымлівае матчына сэрца. Такі трагічны фінал.
2. Іван Шамякін "Гандлярка і паэт"
Простая жанчына з аповесці «Гандлярка i паэт», якая да вайны толькі i ведала гандляваць на базары, пабачыўшы жахі фашысцкае акупацыі, актыўна ўключаецца ў падпольную работу…
3. Віктар Казько "Суд у Слабадзе"
«Суд у Слабадзе» – аповесць Віктара Казько, прысвечаная тэме апаленага вайной жыцця не толькі дарослых, але і дзяцей, у якіх аднялі маленства. У аснове твора ляжаць сапраўдныя падзеі.
4. Віктар Казько "Выратуй і памілуй нас, чорны бусел"
5. Васіль Быкаў "Жоўты пясочак"
Шасцярых зняволеных са славутай сваімі жахамі мінскай турмы-"амерыканкі" вязе на расстрэл у Курапаты памочнік каменданта ..
6. Васіль Быкаў "Труба"
7. Уладзімір Караткевіч "Чорны замак Альшанскі"
"Чорны замак Альшанскі" – класічны беларускі дэтэктыў. У ім, як і ў іншых творах Караткевіча, выяўляецца містычная повязь часу.
8. Леанід Дайнека "Меч князя Вячкі"
Прыгодніцкі раман Леаніда Дайнекі мае гістарычную аснову. Гэта — гераічная барацьба гараджан старажытнага Полацка з тэўтонскімі рыцарамі-крыжаносцамі. Нягледзячы на тое, што падзеі рамана адбываюцца ў XIII стагоддзі, яго тэматыка вельмі актуальная. Твор прасякнуты ідэяй аб неабходнасці яднання славянскіх народаў, а таксама іх бліжэйшых суседзяў-літоўцаў, латышоў, эстонцаў, для таго, каб процістаяць ворагам.
9. Сяргей Грахоўскі "Зона маўчання"
«Зона маўчання» – дакументальна-публіцыстычная аповесць беларускага пісьменніка Сяргея Грахоўскага. Напісаная на дакументальнай аснове, яна перадае драматызм перажытага ў гады сталінскіх рэпрэсій. Ад першай асобы ў творы паказваецца цяжкае жыццё арыштантаў. Відаць, як жыццё ператварае хлапчукоў у зладзеяў і бандытаў, а дзяўчатак – у разбэшчаных прастытутак. Галоўны герой кожны дзень змагаецца за сваё жыццё, то ў турме роднага горада, то ў лагпункце ГУЛАГа. Аўтар паказвае лёсы пісьменнікаў, артыстаў і рэшты ахвяр масавай рэпрэсіўнай «мясарубкі»...
10. Мікалай Матукоўскі "Мудрамер"
11. Андрэй Макаёнак "Трыбунал"